• Kanika Chauhan

jidhar jate hain sab jaana udhar achchha nahin lagta

BY JAVED AKHTAR

jidhar jaate haiñ sab jaanā udhar achchhā nahīñ lagtā

mujhe pāmāl rastoñ kā safar achchhā nahīñ lagtā

ġhalat bātoñ ko ḳhāmoshī se sunñā haamī bhar lenā

bahut haiñ fā.ede is meñ magar achchhā nahīñ lagtā

mujhe dushman se bhī ḳhuddārī kī ummīd rahtī hai

kisī kā bhī ho sar qadmoñ meñ sar achchhā nahīñ lagtā

bulandī par unheñ miTTī kī ḳhushbū tak nahīñ aatī

ye vo shāḳheñ haiñ jin ko ab shajar achchhā nahīñ lagtā

ye kyuuñ baaqī rahe ātish-zano ye bhī jalā Daalo

ki sab be-ghar hoñ aur merā ho ghar achchhā nahīñ lagtā

#slider

1 view

Subscribe to Our Newsletter

  • Facebook
  • Twitter
  • Instagram